ഇടുക്കി ഓർമകൾ

ശാന്തതയുടെയും വശ്യതയുടെയും പര്യായം ആണ് 'ഇടുക്കി'..

പെരിയാറിൻ തളയിട്ട് ചിരി തൂകുന്ന ഇടുക്കി.. 😍

കേരളത്തെ കണ്ണീരിലും ദുരിതത്തിലുമാഴ്ത്തിയ ആദ്യ വെള്ളപ്പൊക്കവും ഉരുൾപൊട്ടലുമൊക്കെ കഴിഞ്ഞ് പ്രിയപ്പെട്ട @naeem_pa യുടെ കൂടെ ഞങ്ങളും പോയി ഒരു ഇടുക്കി യാത്ര!

Naeem PA ക്ക് ഇടുക്കി എന്നാൽ ഒരു വികാരമാണ്..

നാല് വർഷ BTech ഉം അത് കഴിഞ്ഞ് പിന്നെയും ചില വർഷങ്ങളുമായി ഇടുക്കിയുടെ മണ്ണിനെ ഓർമകളിൽ മാറോടു ചേർക്കുന്ന Naeem PA ക്ക് ഇടുക്കിയുടെ വശ്യത കണ്ട് ആസ്വദിക്കുന്നതിനേക്കാൾ ആഗ്രഹം താൻ നടന്ന വഴികളും നോക്കി നിന്ന ജലപാതകളും കല്ലിന്റെ കൂമ്പാരമായി മാറിയ കാഴ്ച ഒരു നോക്ക് കണ്ട് ഇടുക്കിയുടെ നൊമ്പരത്തിൽ പങ്കു ചേരാൻ മാത്രമായിരുന്നു..

കല്യാണം കഴിഞ്ഞ് ആദ്യമായി ഒരുമിച്ചു ട്രിപ്പ്‌ അടിക്കാൻ ഇറങ്ങിത്തിരിച്ച ഞാനും പ്രിയതമ Adheena Binth Siddeek ഉം ഇടുക്കിയുടെ പച്ചപ്പും ജലാശയങ്ങളും കാണാൻ ആയിരുന്നു ഇറങ്ങി തിരിച്ചിരുന്നത് എങ്കിലും @naeem_pa യും അവന്റെ പ്രിയതമ അനുവും അവരുടെ ലോകമായ അംച്ചുവും പങ്കു വെച്ച ഇടുക്കിയുടെ നൊമ്പരക്കാഴ്ചകളിൽ സങ്കടം പങ്കു വെച്ച് രണ്ടു മൂന്ന് ദിനങ്ങൾ യാത്ര ചെയ്തു..

ഏറെ അനുഭവങ്ങളും ഏറെ ചിന്തയും നൽകിയ യാത്ര!

ദൈവത്തിന്റെ ഭൂമി ചുറ്റി സഞ്ചരിക്കാനുള്ള ആഹ്വാനത്തിൽ ഇറങ്ങിതിരിച്ചവർ ആണല്ലോ നാം!

മണാലിയിലെ മഞ്ഞും മീശപ്പുലി മലയിലെ മഞ്ഞു മഴയും മൂന്നാറിലെ പച്ചപ്പും മാത്രമല്ലല്ലോ ആ കാഴ്ചകൾ..

ദൈവത്തിന്റെ പരീക്ഷണങ്ങൾ കണ്ടു പാഠം ഉൾക്കൊള്ളുന്നതിൽ കൂടിയല്ലോ യാത്രയുടെ സത്തയുള്ളത്..

ഞങ്ങളുടെ പ്രിയതമമാർക്ക് ഉരുൾ പൊട്ടലിന്റെ വ്യാപ്തി വിശദീകരിച്ചു കൊടുക്കുകയായിരുന്നു ഈ ചിത്രം എടുക്കുമ്പോൾ Naeem PA 🙂

Comments

വജ്ദ : സൗദി നിർമിത സ്ത്രീപക്ഷ സിനിമ

ഏകദേശം 7 വർഷം മുമ്പ് കണ്ട സിനിമയാണ്.. 2000 കാലഘട്ടത്തിലെ സൗദി അറേബ്യ പശ്ചാത്തലമാക്കി 'ഹൈഫ മൻസൂർ' എന്ന വനിത നിർമിച്ച ഒരു സ്ത്രീപക്ഷ ചിത്രമായി വേണമെങ്കിൽ ഈ സിനിമയെ വിശേഷിപ്പിക്കാം.. സിനിമ മുന്നോട്ട് വെക്കുന്ന രാഷ്ട്രീയത്തിൽ ചെറിയ ചില പ്രശ്നങ്ങൾ ഉണ്ടെങ്കിലും, മൊത്തത്തിൽ ഒരു നല്ല സിനിമയെന്ന നിലയിൽ കണ്ടിരിക്കാവുന്ന ചിത്രമാണ്.. മൊത്തത്തിലുള്ള രാഷ്ട്രീയവും വലിയ കുറ്റം പറയാവുന്ന രീതിയിലല്ല.. സ്കൂളിൽ നടക്കുന്ന ഖുർആൻ പാരായണ മത്സരത്തിൽ പങ്കെടുക്കുകയും അതിൽ നിന്നും ലഭിക്കുന്ന സമ്മാനത്തുക കൊണ്ട് സ്വന്തമായി സൈക്കിൾ വാങ്ങാനുള്ള ആഗ്രഹവുമായി നടക്കുന്ന 'വജ്ദ' എന്ന ബാലികയുടെ കഥയാണ് ചിത്രം പറയുന്നത്. പൂർണമായും സൗദി അറേബ്യയിൽ ചിത്രീകരിക്കപ്പെട്ട ആദ്യ ചിത്രമാണ്.. സലഫികൾക്ക് കാണാമോ എന്ന് ചോദിച്ചാൽ, അത്യാവശ്യം ടി വി ന്യൂസും യൂറ്റൂബ് പ്രോഗ്രാമും ഒക്കെ കാണുന്ന സലഫികൾക്ക് ധൈര്യമായി കാണാം. ഹറാം എലമെന്റ് കുറവാണ്.. 🙂🙂

സെബുന്നീസയുടെ കഥ

ഔറംഗസേബിനു ഒരു പുത്രി ഉണ്ടായിരുന്നു; സെബുന്നീസ. ഏഴാം വയസ്സിൽ ഖുർആൻ മന:പാഠമാക്കിയ സെബുന്നിസ കവിതകൾ എഴുതാൻ തുടങ്ങി. ഔറംഗസേബ് സെബുന്നിസയെ കവിത എഴുതുന്നതിൽ നിന്നും വിലക്കി. മറ്റു പെണ്ണുങ്ങളെ പോലെ ആയിരുന്നില്ല സെബുന്നിസ . രാജകുമാരിയായിട്ടും ആഭരണങ്ങളോട് പോലും വലിയ താല്പര്യം കാണിച്ചില്ല സെബുന്നിസ. വസ്ത്ര ധാരണത്തിൽ പോലും ലാളിത്യം കാണിച്ചു. ദൈവ വിശ്വാസത്തിൽ നിന്നും ജനക്ഷേമത്തിൽ നിന്നും അകന്നു നിന്ന് മാർബി ൾ കല്ലറകൾ ഉണ്ടാക്കിയവരെ അച്ഛനെന്നോ മകനെന്നോ നോക്കാതെ തുറുങ്കിലടച്ച ഔറംഗസേബിനെ ചരിത്രമെഴുതിയവർക്കാർക്കും ഇഷ്ടമില്ലാത്തത് സ്വാഭാവികം. ഔറംഗസേബ് കണ്ണഞ്ചിപ്പിക്കുന്ന മാളികകൾ പണിതില്ല. മിഥ്യയായ എല്ലാം വെറുത്തു. സ്വന്തം മകളുടെ കവിതയെ പോലും. സെബുന്നിസയുടെ വിശ്വാസം പോലും ഉപ്പയെ പോലെ ആയിരുന്നില്ല. ഉപ്പ തികഞ്ഞ ഇസ്ലാമിക വിശ്വാസി.ചിലരുടെ ഭാഷയിൽ പറഞ്ഞാൽ ഒരു തരം ഓർത്തോഡോക്സ്. സെബുന്നീസയുടെ പാത അക്ബറിനെ പോലെ ആയിരുന്നു. ദീനെ ഇലാഹി പോലെ സർവമത സത്യസിദ്ധാന്തം. സെബുന്നീസയുടെ കവിതകളിൽ ജീസസും ഉണ്ടായിരുന്നു സെബുന്നീസ എഴുതി: "Whether it be in Mecca’s holiest shrine, Or in the Templ...

തലമുറകളുടെ വികാരത്തിനുമപ്പുറം

ഒരു ലോകകപ്പ് സീസണിലോ യൂറോ,കോപ്പ സീസണുകളിലോ ഒക്കെ തിളച്ചു പൊന്തുന്ന വികാരം മാത്രമാണ് നമ്മൾക്കൊക്കെ ഓരോ രാജ്യങ്ങളോടുള്ള ഇഷ്ടം. ബ്രസീലിലെ അഴിമതിക്കെതിരെ സമരം നടത്തുന്നവർക്ക് ഐക്യദാർഢ്യം പ്രഖ്യാപിച്ചൊന്നുമല്ല ഇOങ്ങ് മലപ്പുറത്തെ കവലകളിൽ നെയ്മറിന്റെയും കൂട്ടരുടെയും ഫ്ലക്സ് പൊങ്ങാറുള്ളത്. നമ്മുടെ വികാരം ഫുട്ബോൾ മാത്രമാണ്. ഫുട്ബോൾ മാത്രം.. എന്നാൽ, നൂറ്റാണ്ടു കാലത്തെ പോരാട്ടങ്ങളുടെ കനലുകൾ ഉള്ളിലൊളിപ്പിച്ചു കൊണ്ട് ക്ലബ് പതാകകൾ പോലും കയ്യിലേന്തുന്ന വലിയൊരു സമൂഹത്തിനു ഫുട്‍ബോൾ ഒരു പോരാട്ടം തന്നെയാണ്. തോൽക്കാൻ മാത്രം ഗ്രൗണ്ടിൽ ഇറങ്ങുന്ന ക്ലബുകൾക്ക് പോലും ആർത്തിരമ്പുന്ന ഫാൻസ്‌ ഉണ്ടാവുന്നതിന് പിന്നിൽ നൂറ്റാണ്ടിന്റെ ചരിത്രമുണ്ട്.. സ്പെയിനിനും ഫ്രാൻസിനും ഇടക്കുള്ള പ്രദേശമാണ് 'ബാസ്‌ക്'. 50 വർഷം നീണ്ട സ്വാതന്ത്ര്യസമര പോരാട്ടം നടത്തിയ ബാസ്‌ക്‌കാർക്കു ഇന്നലത്തെ ദിനം ഒരു ചരിത്ര ദിനമാണ്. ബാസ്‌ക് ഭാഷ സംസാരിക്കുന്ന കാൽക്കോടി ജനതയ്ക്ക് സ്വന്തമായി ഒരു രാജ്യം വേണം എന്ന ആവശ്യം ഉന്നയിച്ചു കൊണ്ട് പോരാടിയ ബാസ്കിലെ separatist കൾ ആയറിയപ്പെടുന്ന ETA അര നൂറ്റാണ്ടിനു ശേഷം ഇന്നലെ ആയുധം വെച്ചു കീഴട...

Zeydi Pen

Search This Blog